जळगाव लाईव्ह ट्रेंड्स न्यूज प्रतिनिधी | जळगाव तालुक्यातील भादली गावात किरकोळ वादातून एका ३६ वर्षीय माजी उपसरपंच तरुणाचा छातीत धारदार शस्त्राने वार करून निर्घृण खून केल्याची धक्कादायक घटना शुक्रवारी २१ मार्च रोजी सकाळी ८ वाजता घडली आहे. ही घटना घडल्यानंतर जिल्हा शासकीय वैद्यकीय महाविद्यालयात नातेवाईकांची गर्दी झाल्याचे पाहायला मिळाले. युवराज सोपान कोळी (वय ३५ रा. कानसवाडा ता. जळगाव) अशी मयत झालेल्या तरुणाचे नाव आहे.
या संदर्भात अधिक माहिती अशी युवराज सोपान कोळी हा तरुण आपल्या आई वडील, तीन मुलं, पत्नी यांच्यासह भांडली येथे वास्तव्याला होता. शेतीचे काम करून तो आपला उदरनिर्वाह करत होते. युवराज कोळी याचे गुरुवारी रात्री काहींसोबत वाद झाला होता. या वादातून अज्ञात तीन जणांनी चाकू आणि चॉपरने वार करून खून करण्यात आला.
ही भयंकर घटना काही शेतकऱ्यांच्या समोर घडल्याने त्यांनी घटनास्थळी धाव घेतली होती, तोपर्यंत मारेकरी पसार झाले होते. युवराज कोळी यांना तातडीने शासकीय वैद्यकीय महाविद्यालयात दाखल करण्यात आले. यावेळी वैद्यकीय अधिकारी यांनी तपासून आणते मयत घोषित केले. यावेळी नातेवाईकांनी जिल्हा शासकीय वैद्यकीय महाविद्यालयात प्रचंड गर्दी करत आक्रोश केला होता. मयत हे शिंदे गटाचे माजी उपसरपंच असल्याची माहिती गावकऱ्यांनी दिली आहे.
