जळगाव लाईव्ह ट्रेंडस न्यूज प्रतिनिधी । जळगावातील पिंप्राळा हुडको परिसरात जुन्या वादातून एकाला शिवीगाळ करत लोखंडी रॉड आणि चॉपरने मारहाण करून गंभीर दुखापत केल्याची घटना रविवारी १९ जानेवारी रोजी सकाळी ९ वाजता घडली आहे. याप्रकरणी सोमवारी २७ जानेवारी रोजी दुपारी ३ वाजता रामानंद नगर पोलीस ठाण्यात तीन जणांविरोधात गुन्हा दाखल करण्यात आला आहे.
याबाबत अधिक माहिती अशी की, सुरेश भुता बनसोडे वय ४७ रा. पिंप्राळा हुडको, जळगाव हे आपल्या परिवारासह वास्तव्याला आहे. रविवारी १९ जानेवारी रोजी दुपारी ३ वाजता जुन्या वादातून सुरेश बनसोडे हे घरी असतांना सोनू सुरेश शिरसाळे, गणेश भगवान पगारे, निलेश भगवान पगारे सर्व रा.पिंप्राळा हुडको, जळगाव यांनी शिवीगाळ करत लोखंडी रॉड आणि चॉपरने मारहाण करून गंभीर जखमी केले. जखमी तरूणास तातडीने जिल्हा शासकीय वैद्यकीय महाविद्यालयात दाखल करण्यात आले. याप्रकरणी सोमवारी २७ जानेवारी रोजी दुपारी ३ वाजता रामानंद नगर पोलीस ठाण्यात सोनू सुरेश शिरसाळे, गणेश भगवान पगारे, निलेश भगवान पगारे सर्व रा.पिंप्राळा हुडको, जळगाव यांच्या विरोधात गुन्हा दाखल करण्यात आला आहे. पुढील तपास पोहेकॉ कालसिंग बारेला हे करीत आहे.
