पारोळा-लाईव्ह ट्रेंडस न्यूज प्रतिनिधी | महाराष्ट्र सरकारने केंद्र सरकारच्या महत्त्वाकांक्षी ‘ॲग्रीस्टॅक’ योजनेअंतर्गत शेतकऱ्यांसाठी युनिक फार्मर आयडी तयार करण्याची प्रक्रिया सुरू केली आहे. या मोहिमेचे महत्त्व लक्षात घेता महाराष्ट्र शेतकरी संघटनेचे संस्थापक व राष्ट्रीय अध्यक्ष, शेतकरी नेते सुनील देवरे यांनी सर्व शेतकऱ्यांना तात्काळ नोंदणी करण्याचे आवाहन केले आहे.
युनिक फार्मर आयडीचे महत्त्व:जसे प्रत्येक नागरिकासाठी आधार कार्ड अत्यावश्यक आहे, तसेच प्रत्येक शेतकऱ्यासाठी युनिक फार्मर आयडी अनिवार्य ठरणार आहे. महाराष्ट्रातील सर्व शेतकऱ्यांचे लँड रेकॉर्ड युनिक फार्मर आयडीशी लिंक केले जाणार आहे. भविष्यात शासकीय योजनांचा लाभ मिळवण्यासाठी, तसेच जमिनीच्या खरेदी-विक्रीसाठी हा आयडी अत्यावश्यक असणार आहे.
शेतकऱ्यांसाठी लाभ:
पीएम किसान सन्मान योजनेचे अनुदान मिळविणे
किसान क्रेडिट कार्ड बनविणे
पीक विमा व त्याचा परतावा मिळविणे
पिकांची नुकसान भरपाई मिळविणे
कृषी निविष्ठा व इतर सेवांचा लाभ
बाजारपेठेची माहिती व कृषी तज्ञांचे मार्गदर्शन मिळवणे
सरकारसाठी फायदे: युनिक फार्मर आयडीमुळे सरकारला एका क्लिकवर शेतकऱ्यांची जमीन, पीक माहिती, व योजनांचा लाभ घेणाऱ्या शेतकऱ्यांची माहिती मिळणार आहे. यामुळे कृषी विभागाला विशिष्ट पिकासाठी विशिष्ट मार्गदर्शन करता येणार आहे. जिओ रेफरन्सिंगच्या साहाय्याने प्रत्येक शेतकऱ्याच्या शेतीचे डिजिटल नकाशेही तयार होतील.
नोंदणीसाठी आवाहन:शेतकरी नेते सुनील देवरे यांनी सांगितले की, कोणताही संकोच न ठेवता सर्व शेतकऱ्यांनी तात्काळ नोंदणी करावी. कोणताही शेतकरी या प्रक्रियेतून वंचित राहू नये म्हणून तालुका स्तरावर नोंदणी शिबिरे आयोजित केली जाणार आहेत. नोंदणीसंदर्भात अडचण असल्यास शेतकऱ्यांनी 9890875238 या क्रमांकावर संपर्क साधावा.
