जळगाव लाईव्ह ट्रेंडस न्यूज प्रतिनिधी । जळगाव शहरातील मेहरूण तलावात अंदाजे ४० वर्षीय अनोळखी तरूणाचा पाण्यात बुडून मृत्यू झाल्याची घटना समोर आली आहे. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
अधिक असे की, जळगाव शहरातील मेहरूण तलावात अंदाजे ४० वर्षीय अनोळखी तरूणाचा मृतदेह तरंगतांना आढळून आला. या घटनेबाबत एमआयडीसी पोलीसांना माहिती मिळाली. बुधवारी १३ नोव्हेंबर रोजी सकाळी ८ वाजता त्यानुसार पोलीसांनी घटनास्थळी धाव घेतली. पंचनामा करून मृतदेह जिल्हा शासकीय वैद्यकीय महाविद्यालयात दाखल करण्यात आला. दरम्यान मयताची अद्याप कोणतीही ओळख पटलेली नाही. याबाबत एमआयडीसी पोलीस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ संजीव मोरे हे करीत आहे.
