धरणगाव (प्रतिनिधी) धरणगाव नगरपालिकेच्या पोटनिवडणुकीच्या मतमोजणीला सुरुवात झाली आहे. चौथ्या फेरीत शिवसेनेचे उमेदवार निलेश सुरेश चौधरी यांनी २९११ मतांची आघाडी घेतली आहे.
पहिल्या फेरी अखेर भाजप उमेदवार मधुकर रोकडे ६२७ मतांनी आघाडीवर होते. तर दुसऱ्या फेरीत शिवसेनेचे उमेदवार निलेश सुरेश चौधरी यांनी १ हजार तर तिसऱ्या फेरीतही शिवसेनेचे उमेदवार निलेश सुरेश चौधरी यांनी १८५५ मतांची आघाडी घेतली होती. धरणगाव नगरपालिकेच्या पोटनिवडणुकीसाठी एकूण ५७.७३ टक्के मतदान झाले होते. लोकनियुक्त नगराध्यक्ष पोटनिवडणुकीत तिरंगी लढत होत आहे. शिवसेनेची सत्ता असलेल्या या नगर पालिकेच्या नगराध्यक्षपदाची निवडणूक भाजपसह राष्ट्रवादीने प्रतिष्ठेची केली आहे. या निवडणुकीत शिवसेनेकडून नीलेश सुरेश चौधरी, भाजपकडून मधुकर बन्सी माळी तर राष्ट्रवादीकडून नीलेश भागवत चौधरी तसेच राष्ट्रवादी काँग्रेसचे बंडखोर उमेदवार हाजी शेख इब्राहिम उमेश, जानकीराम माळी, संजय एकनाथ माळी, महेंद्र सुभाष पाटील हे अपक्ष म्हणून रिंगणात आहेत. शिवसेना, भाजप, राष्ट्रवादीसह चार अपक्ष असे एकूण सात उमेदवार या निवडणुकीच्या रिंगणात आहेत.
