धरणगाव- लाईव्ह ट्रेंड्स न्यूज प्रतिनिधी । धरणगाव येथील कला, वाणिज्य आणि विज्ञान महाविद्यालयाच्या बी.ए. 2002 बॅचचा पहिला गेट-टुगेदर शनिवारी, २५ ऑक्टोबर २०२५ रोजी इंदिरा गांधी विद्यालयाच्या प्रांगणात अत्यंत उत्साही आणि आनंददायक वातावरणात संपन्न झाला. 23 वर्षांच्या दीर्घ कालावधीनंतर माजी विद्यार्थ्यांना एकत्र येण्याची संधी मिळाल्याने हा कार्यक्रम सर्वांसाठी एक भावनिक आणि संस्मरणीय क्षण ठरला.
सदर गेट-टुगेदरला धरणगाव, पुणे, मुंबई, सुरत, जळगाव, भुसावळ, साळवे, नांदेड आदी ठिकाणांहून तब्बल 40 माजी विद्यार्थ्यांनी आपल्या उपस्थितीने या स्नेह मेळाव्याला भव्य स्वरूप दिले. इतक्या मोठ्या संख्येने माजी विद्यार्थ्यांचा एकत्र येण्याचा हा अनुभव अत्यंत आनंददायक आणि संस्मरणीय ठरला. दीर्घ काळानंतर भेटी होणाऱ्या या मित्रांसाठी चेहऱ्यावर आनंद आणि उत्सुकतेचे मिश्रण होते, आणि आठवणींचा झरा वाहत होता.
कार्यक्रमाची प्रस्तावना बॅचचे समन्वयक प्रा. डॉ. रविंद्र मराठे यांनी केली. त्यांनी सर्वांचे स्वागत केले आणि जुन्या आठवणींना उजाळा दिला. त्यांच्या शब्दांत एक प्रकारचा स्नेह आणि प्रेमाचा अनोखा सूर होता. कार्यक्रमाचे सुरेख सूत्रसंचालन शिल्पा सूर्यवंशी यांनी केले, ज्यामुळे कार्यक्रमाला एक वेगळा रंग मिळाला.
त्यानंतर, सर्व उपस्थित सदस्यांनी आपला परिचय दिला आणि आपापल्या व्यवसाय, नोकरी आणि छंदाविषयी माहिती दिली. यामुळे उपस्थितांना एकमेकांची जीवनाची प्रवासाची ओळख झाली. कार्यक्रमाच्या नंतर, एक छोटेसे सांस्कृतिक कार्यक्रम घेण्यात आले. यामध्ये मराठी आणि हिंदी जुनी गाणी, कवितांचे सादरीकरण आणि कॉलेज जीवनातील काही हशा पिकवणारे प्रसंग सांगून वातावरण हलकेफुलके झाले.
कार्यक्रमाच्या समारोपानंतर, सर्व माजी विद्यार्थ्यांनी पुढील वर्षी एकत्र येण्याचा निर्धार व्यक्त केला. या गेट-टुगेदरच्या कार्यक्रमात उत्साह, आपुलकी आणि जुन्या आठवणींनी वातावरणाला एक विशेष रंग दिला. सर्व माजी विद्यार्थ्यांना अशीच अनेक भेटी आयोजित करण्याचे मनाशी ठरवले.
कार्यक्रमाच्या यशस्वीतेसाठी विनोद चौधरी, पंकज लोखंडे, अनिल पाटील, सम्राट सोनवणे, रविंद्र मराठे, बापू बाविस्कर, रविंद्र महाजन, शिल्पा सूर्यवंशी, जयश्री कोळंबे, विद्या पाटील, सविता अत्तरदे यांसारख्या माजी विद्यार्थ्यांनी अथक परिश्रम घेतले.
