जळगाव लाईव्ह ट्रेंडस न्यूज प्रतिनिधी । जळगाव शहरातील हुसेन कॉलनीत राहणाऱ्या २८ वर्षीय तरूणाने राहत्या घरात विषारी औषध सेवन केले होते, शासकीय वैद्यकीय महाविद्यालयात उपचार सुरू असतांना रविवारी २६ जानेवारी रोजी दुपारी मृत्यू झाला आहे. याप्रकरणी रामानंद नगर पोलीसात सायंकाळी ५ वाजता रामानंद नगर पोलीसात अकस्मात मृत्यूची नोंद करण्यात आली आहे. सुमित दिलीप कासार वय २८ रा. हुसेन कॉलनी, जळगाव असे मयत झालेल्या तरूणाचे नाव आहे.
जळगाव शहरातील हुसेन कॉलनीत सुमित कासार हा तरूण आपल्या कुटुंबासह वास्तव्याला होता. त्यांनी राहत्या घरात विषारी औषध सेवन केले होते. त्यामुळे त्याची प्रकृती खालावल्याने त्याला शहरातील शासकीय वैद्यकीय महाविद्यालयात दाखल करण्यात आले होते. त्याच्यावर उपचार सुरू असतांना रविवारी २६ जानेवारी रोजी दुपारी ३ वाजता त्याचा मृत्यू झाला. विषारी औषध घेण्याचे कारण समोर आले नाही. याप्रकरणी रामानंद नगर पोलीस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ जितेंद्र राजपूत हे करीत आहे.
