जिल्ह्यात आतापर्यंत 15 लाख 32 हजार जणांना कोरोना लसीकरण

जळगाव प्रतिनिधी । जिल्ह्यात आतापर्यंत 15 लाख 32 हजार 951 लाभार्थ्यांना कोरोना लस देण्यात आली आहे. यात 11 लाख 30 हजार 258 जणांना पहिला डोस तर 4 लाख 02 हजार 693 जणांना दुसरा डोस देण्यात आल्याची माहिती जिल्हा आरोग्य अधिकारी डॉ. भिमाशंकर जमादार यांनी आज मंगळवारी 7 सप्टेंबर रोजी सकाळी 11 वाजता पाठविलेल्या प्रसिध्दपत्रकाद्वारे कळविले आहे. 

जिल्ह्यात कोरोनाचा प्रादुर्भाव रोखण्यासाठी व कोरोनापासून बचावासाठी लस महत्वपूर्ण असल्याने आणि जिल्हा प्रशासनाने केलेल्या आवाहनास प्रतिसाद दिला आहे. जळगाव जिल्ह्यातील महत्वाच्या ठिकाणी कोरोना लसीकरण केंद्र सुरू करण्यात आले आहे. या लसीकरण केंद्रामार्फत जिल्ह्यात आतापर्यंत 11 लाख 30 हजार 258 लाभार्थ्यांना कोरोना लसीचा पहिला डोस तर 4 लाख  2 हजार 693 लाभार्थ्यांना दुसरा डोस असे एकूण 15 लाख 32 हजार 951 लाभार्थ्यांना लसीचे डोस देण्यात आले आहे. यात शहरी भागातील 6 लाख 70 हजार 664 तर ग्रामीण भागातील 8 लाख 62 हजार 287 नागरीकांचा समावेश आहे. जिल्ह्‌यातील प्रत्येक नागरीकांनी कोरोना लसीकरणाचा लाभ घ्यावा, असे आवाहन जिल्हा आरोग्य अधिकारी डॉ. भिमाशंकर जमादार यांनी आज मंगळवार 7 सप्टेंबर रोजी सकाळी 11 वाजता दिलेल्या प्रसिध्दीपत्रकाद्वारे कळविले आहे.

 

आम्हाला विविध सोशल मंचावर फॉलो करा

Comments are closed, but trackbacks and pingbacks are open.

error: Content is protected !!