भंडारा-लाईव्ह ट्रेंडस न्यूज वृत्तसेवा | भंडाऱ्यात काँग्रेसचे प्रदेशाध्यक्ष नाना पटोले यांच्या गाडीचा भीषण अपघात झाला आहे. भंडारा शहरालगतच्या भीलवाडा गावाजवळ ही घटना घडली. प्रचार करून परतत असताना ट्रकने मागून धडक दिल्याने हा अपघात झाला आहे. मंगळवारी रात्रीच्या सुमारास प्रचारांनतर सुकळी या गावी जात असताना मागून येणाऱ्या ट्रकने त्याच्या गाडीला जोराची धडक दिली. या अपघातामध्ये नाना पटोले हे थोडक्यात बचावले आहेत. यामध्ये सुदैवाने कोणतीही जिवीतहानी झालेली नाही. या अपघातात गाडीचे नुकसान झाले.
नाना पटोले हे महाविकास आघाडीचे उमेदवार प्रशांत पडोळे यांचा प्रचार दौरा करून रात्रीच्या वेळी परतत असताना भिलेवाडा गावाजवळ त्यांच्या ताफ्याला भरधाव आणि अनियंत्रित ट्रकने मागून जोरदार धडक दिली. यामुळे हा भीषण अपघात झाला. नाना पटोले हे ज्या गाडीत बसले होते, त्या गाडीच्या मागचा भागाचा चुराडा झाला आहे. सुदैवानं या अपघातामध्ये नाना पटोले आणि गाडीतील इतर कोणालाही कोणतीही दुखापत झालेली नाही. या अपघाताची माहिती त्यांनी पोलिसांना दिली. पोलिसांकडून अधिक तपास सुरू आहे. या अपघाताचं नेमकं कारण अद्याप अस्पष्ट आहे.
