पारोळा-लाईव्ह ट्रेंडस न्यूज प्रतिनिधी । राज्यातील विधानसभा निवडणुकीसाठी दुसऱ्या टप्प्यात आता निवडणूकीच्या प्रचाराने जोर धरला आहे. प्रत्येक उमेदवार आपल्या वरिष्ठ नेत्यांच्या उपस्थितीत जाहीर सभेचे आयोजन करण्यात येत आहे. या अनुषंगाने एरंडोल विधानसभा मतदार संघाचे महायुतीचे उमेदवार अमोलदादा पाटील यांच्या प्रचारासाठी मुख्यमंत्री एकनाथ शिंदे हे पारोळा येथे असून असून मंगळवारी १२ नोव्हेंबर रोजी दुपारी ४ वाजता प्रचार सभा घेण्यात येणार आहे.
एरंडोल आणि पारोळा विधानसभा मतदारसंघात शिवसेना शिंदे पक्ष महायुतीचे उमेदवार अमोलदादा पाटील यांचा मतदारसंघात जोरदार प्रचार दौरा सुरू झाला आहे. विधानसभा निवडणूक जस जशी जवळ येत आहे. तस तशी निवडणूकीच्या रिंगणात उभे असलेले उमेदवारांच्या प्रचाराने जोर धरला आहे. अमोलदादा पाटील हे देखील मतदार संघात प्रत्येक गावात जाऊन नागरिकांशी संवाद साधत आहे. दरम्यान महायुतीचे अधिकृत उमेदवार अमोलदादा पाटील यांच्या प्रचारार्थ मुख्यमंत्री एकनाथ शिंदे हे पारोळा शहरात येत आहे. या निमित्ताने शहरातील एनइएस हायस्कूलच्या पटांगणात भव्यसभेचे आयोजन मंगळवार १२ नोव्हेंबर रोजी दुपारी ४ वाजता करण्यात आले आहे. या सभेला मतदारसंघातील महायुतीचे नेते, पदाधिकारी व कार्यकर्ते मोठ्या संख्येने उपस्थित रहावे असे आवाहन आयोजकांकडून करण्यात येत आहे.
