जळगाव-लाईव्ह ट्रेंड्स न्यूज प्रतिनिधी । छावा मराठा युवा महासंघाच्या जळगाव महानगर व जळगाव तालुका नवीन कार्यकारिणीची अधिकृत घोषणा करण्यात आली आहे. मराठा समाज बांधवांचे संघटन मजबूत करणे आणि सामाजिक प्रश्नांवर आक्रमक लढा उभारण्याच्या उद्देशाने ही निवड करण्यात आली असून, जळगाव महानगराध्यक्षपदी मेहरूण येथील सामाजिक कार्यकर्ते तथा व्यावसायिक उज्वल सुरेश पाटील, तर जळगाव तालुकाध्यक्षपदी ममुराबाद येथील पशुवैद्यकीय व्यावसायिक डॉ. राकेश एकनाथ पाटील यांची महत्त्वाची निवड करण्यात आली आहे.
या नियुक्त्यांबाबत सविस्तर माहिती अशी की, छावा मराठा युवा महासंघाचे संस्थापक अध्यक्ष धनाजी येळकर पाटील यांनी उत्तर महाराष्ट्रातील पदाधिकारी नियुक्त्यांबाबतचे सर्व अधिकार प्रदेश उपाध्यक्ष अमोल कोल्हे यांना प्रदान केले होते. त्यानुसार, अमोल कोल्हे यांनी योग्य विचारविनमय करून जळगाव महानगर आणि जळगाव तालुक्याची बहुप्रतिक्षित नवीन कार्यकारिणी जाहीर केली आहे. या घोषणेनंतर नवनियुक्त पदाधिकाऱ्यांमध्ये व कार्यकर्त्यांमध्ये प्रचंड उत्साह पाहायला मिळत असून सर्वच स्तरातून त्यांच्यावर अभिनंदनाचा वर्षाव होत आहे.
जळगाव महानगर कार्यकारिणीमध्ये महानगराध्यक्षपदी उज्वल पाटील यांच्यासोबत उपाध्यक्षपदी सतीश पाटील व संजय सांगळे, सचिवपदी हितेंद्र टेकावडे, कायदेविषयक सल्लागार म्हणून ॲड. विक्रम महाले, तर सहसचिवपदी नंदू बडगुजर, जयंत गोंधळी, चंद्रशेखर महाले व यशोदीप धुमाळ यांची निवड करण्यात आली आहे. याशिवाय महानगर कार्यकारिणीत सक्रिय सदस्य म्हणून मनोहर बडगुजर, कल्पेश वाणी, कृष्णा जमदाडे, सागर मोतीराळे, भीमराव सोनवणे, आनंद महीरे, राजू कोळी व सागर कुटुंबळे यांचा समावेश करण्यात आला आहे.
तसेच जळगाव तालुका कार्यकारिणीत तालुकाध्यक्षपदी डॉ. राकेश पाटील यांच्यासह उपाध्यक्षपदी गणेश तायडे व डॉ. ललित कोतवाल, सचिवपदी मयूर जावळे, तर सहसचिवपदी आचल भदाणे यांची नियुक्ती जाहीर झाली आहे. तालुका कार्यकारिणीच्या सक्रिय सदस्यांमध्ये डॉ. किरण तायडे, डॉ. विशाल साळुंखे, डॉ. निरज सोनवणे, सचिन पाटील, तन्मय राणे व निरंजन पाटील यांचा समावेश आहे. आगामी काळात जळगाव जिल्हा कार्यकारिणीसह जिल्ह्यातील इतर तालुक्यांच्या कार्यकारिणीही लवकरात लवकर जाहीर करण्यात येणार आहेत. समाजकार्याची आवड असलेल्या आणि भ्रष्टाचाराविरोधात लढा देण्याची इच्छा असलेल्या इच्छुक कार्यकर्त्यांनी संघटनेत सक्रिय सहभागासाठी प्रदेश उपाध्यक्ष अमोल कोल्हे यांच्याशी संपर्क साधावा, असे आवाहन करण्यात आले आहे.
छावा मराठा युवा महासंघाच्या जळगाव महानगर व तालुका कार्यकारिणीची घोषणा करण्यात आली असून, महानगराध्यक्षपदी उज्वल पाटील व तालुकाध्यक्षपदी डॉ. राकेश पाटील यांची निवड झाली आहे. या नवीन कार्यकारिणीच्या माध्यमातून जळगाव शहर व ग्रामीण भागात संघटनेचे कार्य अधिक जोमाने, व्यापक स्वरूपात आणि जनहितासाठी राबविले जाणार आहे.
