जळगाव प्रतिनिधी । यंदा कोरोनाच्या त्रासामुळे प्रशासनाने केलेल्या आवाहनाला प्रतिसाद देत शहर आणि जिल्ह्यात रमजान ईद गर्दी टाळून संयमाने व साध्या पद्धतीने साजरी करण्यात आली .
नेहमीप्रमाणे प्रचंड गर्दीत अदा केली जाणारी नमाज यंदा मुस्लिम बांधवांनी कटाक्षाने टाळली . आप्तस्वकीयांच्या भेटीसाठी जाणाऱ्यांच्या वाहनांचीही गर्दी रस्त्यांवर दिसत नव्हती ईदगाह मैदानावर सामूहिक नमाज पठाण न करता त्याऐवजी मुस्लिम बांधव निवासस्थानीच नमाज अदा करीत होते . या सणाचा उत्साह मात्र सर्वत्र कायम होता मात्र त्याला यंदा संयम आणि शिस्तीची जोड होती
शहरात अजिंठा चौफुली नजीकच्या ईदगाह मैदानावर निवडक संख्येत आलेल्या मुस्लिम बांधवांचे स्वागत जिल्हाधिकारी अभिजित राऊत , जिल्हा पोलीस अधीक्षक डॉ प्रवीण मुंडे , माजी उपमहापौर करीम सालार , फारुख शेख , राष्ट्रवादी काँग्रेसचे नेते गफ्फार मलिक आदी मान्यवरांनी केले .
