शासकीय वैद्यकीय महाविद्यालयात ‘सी- २’ कक्ष सुरु – दिवसभरात दाखल झाले २ कोरोनाबाधित रुग्ण

जळगाव प्रतिनिधी | येथील शासकीय वैद्यकीय महाविद्यालय व रुग्णालयात नेत्रकक्षाच्या मागील बाजूस असलेल्या सी- २ कक्षात कोरोना रुग्णांना दाखल करण्याचे काम सुरु झाले आहे. असून आज दिवसभरात २ रुग्ण दाखल झाले आहे.

जळगाव येथील शासकीय वैद्यकीय महाविद्यालय व रुग्णालयात नेत्रकक्षाच्या मागील बाजूस असलेल्या सी- २ कक्षात कोरोना रुग्णांना दाखल करण्याचे काम सुरु झाले आहे. शनिवारी दि. १५ जानेवारी २ रुग्ण दाखल झाले आहे.

जिल्हयात दररोज कोरोना महामारीची रुग्णसंख्या वाढत आहे. त्यामुळे रुग्णांना दाखल करणे सोयीचे व्हावे याकरिता सी-२ कक्षाची पाहणी करून अधिष्ठाता डॉ. जयप्रकाश रामानंद यांनी वैद्यकीय अधीक्षक डॉ. विजय गायकवाड आणि कमर्चाऱ्यांना विविध सूचना दिल्या होत्या. त्यानुसार तीनवेळा सी- २ कक्ष धुवून, खाटांवर नवीन चादरी टाकून सी २ कक्ष सज्ज करण्यात आला होता. त्यानंतर डॉक्टर, परिचारिका, कर्मचाऱ्यांच्या ड्युटी लावण्यात आला आहे.

दुपारी महाविद्यालय व रुग्णालयातील दोन कर्मचारी कोरोनाबाधित आल्यानंतर त्यांना सी- २ कक्षात दाखल करण्यात आले. सी- २ कक्षात ६४ खाटांची क्षमता आहे. याठिकाणी दुपारी अधिष्ठाता डॉ. जयप्रकाश रामानंद यांनी पाहणी करून रुग्णांची विचारपूस करीत परिचारिका, डॉक्टरांना विविध सूचना दिल्यात. तसेच, वारंवार स्वच्छता ठेवण्याचे निर्देश कर्मचाऱ्यांना दिले.

आम्हाला विविध सोशल मंचावर फॉलो करा

Comments are closed, but trackbacks and pingbacks are open.

error: Content is protected !!