पाचोरा लाईव्ह ट्रेंडस न्यूज प्रतिनिधी । किरकोळ कारणावरून एका २० वर्षीय तरुणावर चाकुने वार करत खुन केल्याची घटना शहरातील बाहेरपुरा भागात मध्यरात्री १२:३० वाजता घडली. घटनेतील मारेकऱ्यास पाचोरा पोलिसांनी जेरबंद केले असून घटनेप्रकरणी मारेकऱ्याविरुद्ध पाचोरा पोलिस स्टेशनमध्ये खुनाचा गुन्हा नोंदविण्यात आला आहे.
याबाबत पोलिसांकडून प्राप्त माहिती अशी की, मंगळवारी १८ फेब्रुवारी रोजी रात्री १२ वाजेच्या सुमारास छत्रपती शिवाजी महाराज चौकातुन शिवजयंती निमित्त मिरवणूक काढण्यात आली होती. १२ वाजुन १५ मिनिटांनी मिरवणूक संपल्यानंतर हेमंत संजय सोनवणे (वय – २०) रा. जुना माहेजी नाका, महात्मा फुले नगर, पाचोरा यास शहरातील बाहेरपुरा येथे रोहित गजानन लोणारी (वय – २०) रा. शिव कॉलनी, पाचोरा याने किरकोळ कारणावरून धारदार चाकूने पोटात वार करुन घटना स्थळावरुन पसार झाला. घटनेची माहिती मिळताच पोलिस निरीक्षक अशोक पवार व त्यांचे पथक घटनास्थळी दाखल होवुन रक्ताच्या थारोळ्यात पडलेल्या हेमंत सोनवणे यास तात्काळ खाजगी रुग्णालयात दाखल करण्यात आले. हेमंत सोनवणे हा गंभीर जखमी असल्याने त्यास जळगाव येथे उपचारार्थ हलविण्यात आले. दरम्यान हेमंत सोनवणे याचा उपचारा दरम्यान मृत्यू झाला. रोहीत लोणारी यास पोलिसांनी ताब्यात घेतले आहे. घटनेप्रकरणी पाचोरा पोलिस स्टेशनमध्ये रोहित लोणारी याचे विरुध्द खुनाचा गुन्हा नोंदविण्यात आला असुन घटनेचा पुढील तपास पोलिस निरीक्षक अशोक पवार हे करीत आहे. रोहित लोणारी याने हेमंत सोनवणे याचा खुन का केला ? याचे कारण अद्याप समजू शकलेले नाही.
