जळगाव-लाईव्ह ट्रेंडस न्यूज प्रतिनिधी । जळगाव शहरातील रायसोनी नगरात बांधकामाच्या ठिकाणी काम करत असताना तोल जावून पाचव्या मजल्यावरून खाली पडल्याने एका २८ वर्षीय मजुराचा दुर्दैवी मृत्यू झाल्याची घटना सोमवारी २७ जानेवारी रोजी दुपारी २ वाजेच्या सुमारास घडली आहे. जिल्हा शासकीय माहितीचे महाविद्यालयात नातेवाईकांनी आक्रोश केल्याचे दिसून आले. याघटनेबाबत रामानंद पोलीस ठाण्यात अकस्मात मृत्यूची नोंद घेण्याचे काम सुरू होते. ज्ञानेश्वर श्रावण राठोड वय-४० रा. कुसुंबा ता.जळगाव असे मयत झालेल्या मजुराचे नाव आहे.
सूत्रांकडून मिळालेली माहिती अशी की, जळगाव तालुक्यातील कुसुंबा येथे राहणारा ज्ञानेश्वर राठोड हा जळगाव शहरातील रायसोनी नगरात सुरू असलेल्या इमारतीच्या बांधकामाच्या ठिकाणी गेल्या काही दिवसांपासून कामाला जात होता. नेहमीप्रमाणे सोमवारी २७ जानेवारी रोजी देखील तो कामाला गेला होता. दरम्यान पाचव्या मजल्यावरून काम करत असताना त्याचा तोल जाऊन तो खाली पडला. यामध्ये तो गंभीररित्या जखमी झाला. त्याला खाजगी वाहनातून जिल्हा शासकीय वैद्यकीय महाविद्यालयात उपचारासाठी दाखल केले. दरम्यान त्याचा उपचारादर करण्यात दुर्देवी मृत्यू झाला आहे. त्याचा मृत्यू झाल्याचे कळताच त्याच्या नातेवाईकांनी जिल्हा शासकीय वैद्यकीय महाविद्यालयात एकच आक्रोश केला होता. या संदर्भात रामानंद पोलीस ठाण्यात नोंद घेण्याचे काम सुरू होते. मयताच्या पश्चात आई, वडील पत्नी, एक मुलगा, एक मुलगी असा परिवार आहे.
