जळगाव-लाईव्ह ट्रेंडस न्यूज प्रतिनिधी । तिन मजली इमारतीत बसविण्यात आलेल्या लिफ्टचे टेस्टींग करत असतांना अचानक वायर रोप तुटल्याने झालेल्या अपघातात प्रकाश सायकल मार्टचे मालक जखमी होवून उपचारादरम्यान मृत्यू झाल्याची घटना नवीपेठ येथील प्रकाश सायकल मार्ट येथे बुधवारी ५ फेब्रुवारी रोजी सायंकाळी ६ वाजेच्या सुमारास घडली आहे. याप्रकरणी जळगाव शहर पोलीस ठाण्यात अकस्मात मृत्यूची नोंद करण्यात आली आहे. राजकुमार प्रकाश दर्डा वय ४६, रा. मोहाडी रोड, जळगाव असे मयत झालेल्या व्यावसायिकाचे नाव आहे.
अधिक माहिती अशी की, मोहाडी रोड परिसरात राजकुमार दर्डा हे आपल्या कुटुंबियांसह वास्तव्याला होता. सायकलचा व्यावसाय करून ते आपला उदरनिर्वाह करत होते. त्यांचे नवीपेठ येथे तीन मजली इमारतीत लिफ्ट बसविण्याचे काम सुरू होते. दरम्यान लिप्टचे काम पुर्ण झाल्यानंतर लिफ्ट कर्मचारी आणि राजकुमार दर्डा हे बुधवारी ५ फेब्रुवारी रोजी सायंकाळी ६ वाजता लिफ्टचे टेस्टिंग करत होते. त्यावेळी अचानक लिफ्टमधील रोपवायर अचानक तुटल्याने लिप्ट कोसळली. त्यात राजकुमार दर्डा हे गंभीररित्या जखमी झाले. त्यांना तातडीने खासगी रूग्णालयात दाखल केले असता रात्री १२ वाजता त्यांचा उपचारादरम्यान मृत्यू झाला. यातील सोबत असलेला कर्मचारी किरकोळ जखमी झाला आहे. याबाबत जळगाव शहर पोलीस ठाण्यात अकस्मात मृत्यूची नोंद करण्यात आली. पुढील तपास पोहेकॉ रविंद्र सोनार हे करीत आहे. त्यांच्या पश्चात पत्नी, दोन मुले नवीन, वंश आणि मुलगी भुमिका असा परिवार आहे.
