भडगाव प्रतिनिधी । आजच्या स्वार्थी जगात एटीएमजवळ सापडलेले ४५ हजार रूपये मूळ मालकाला परत करून मुजाहिद कुरेशी रिझवान कुरेशी यांनी माणुसकीचे दर्शन घडविले असून त्यांचे परिसरातून कौतुक केले जात आहे.
याबाबत वृत्त असे की, येथिल सामाजिक कार्यकर्ते तथा माऊली फाऊंडेशनचे सक्रीय सदस्य हाजी जाकीर कुरेशी यांचे पुतणे रिजवान महेबुब कुरेशी, मुजाहीद अ. अलाहत कुरेशी हे सायंकाळी खोलगल्ली भागात असलेल्या स्टेट बकेच्या एटीएम मध्ये गेले असता त्यांना गुरुदत्त बेकरी जवळ जे. के. ज्वेलर्स असे छापील नाव असलेल्या कापडी पिशवीत जेडीसीसी बकेचे दोन एटीएम, पाचशेच्या नोटा बंडल असलेली ४५ हजार पाचशे रुपये रक्कम सापडली.
त्यांनी तातडीने ही माहीती त्यांचे काका हाजी जाकीर कुरेशी यांना देवुन सदरची रक्कम व एटीएम कार्ड त्याच्या कडे सुपुर्द केले. हाजी जाकीर कुरेशी यांनी ही रक्कम भडगाव पोलीस स्टेशला पोलीस उपनिरीक्षक अनंत पटारे यांच्या कडे जमा करत ज्याची कोणाची असेल त्याची ओळख पटवुन देण्याचे सांगितले. दरम्यान हाजी जाकीर कुरेशी यांनी याबाबतचा ४५ हजार रुपये सापडल्या मेसेज सोशल मिडीयाच्या माध्यमातून विविध व्हॉटसअप गृपवर पाठविला होता. हा मेसेज बात्सर येथिल सचिव दीपक शिंदे यांनी वाचुन पोलीसांकडे धाव घेत पैसे हरविल्या बाबत सांगितले.
यावेळी सदरची रक्कम रुपये ४५ हजार पाचशे रुपये, एटीएम कार्ड ओळख पटवुन परत करण्यात आले. यावेळी पोलीस उप निरीक्षक अंनत पटारे, सुशिल सोनवणे, हाजी जाकीर कुरेशी, बबुशेठ, माजी नगरसेविका योजनाताई पाटील, सोनु खाटीक, भिकन महाजन, पोलीस हे का. शिदे मेजर, पोलीस ईश्वर पाटील होमगार्ड हिलाल नेरपगारे आदि उपस्थित होते. दरम्यान, दोन युवकांनी माणुसकीचे दर्शन घडविल्यामुळे त्यांच्यावर कौतुकाचा वर्षाव केला जात आहे.
