नवी दिल्ली-लाईव्ह ट्रेंडस न्यूज वृत्तसेवा | लष्करप्रमुख जनरल मनोज पांडे आज निवृत्त होत आहेत. शेवटच्या कामकाजाच्या दिवशी त्यांना गार्ड ऑफ ऑनर देण्यात आला. ते 26 महिने लष्करप्रमुख राहिले. त्यांच्या जागी लेफ्टनंट जनरल उपेंद्र द्विवेदी आजच पदभार स्वीकारतील.
लेफ्टनंट जनरल द्विवेदी हे 30 वे लष्करप्रमुख आहेत. 19 फेब्रुवारी रोजी त्यांनी लष्कराचे उपप्रमुख म्हणून पदभार स्वीकारला. 11 जूनच्या रात्री सरकारने त्यांना लष्करप्रमुख बनवण्याची घोषणा केली होती. यापूर्वी त्यांनी लष्कराचे उपप्रमुख, नॉर्दर्न आर्मी कमांडर, डीजी इन्फंट्री आणि लष्करातील इतर अनेक कमांडचे प्रमुख म्हणून देशाची सेवा केली आहे.
