धरणगाव (प्रतिनिधी) येथील बालकवी ठोंबरे विद्यालयात झालेल्या १७ वर्ष आतील गटातील बुद्धिबळ स्पर्धेत गुड शेपर्ड इंग्लिश मिडियम स्कुलचा विद्यार्थी अमनकुमार वर्मा (इ. ८ वी) या विद्यार्थ्याने तृतीय क्रमांक पटकावला.
या स्पर्धेत एकूण विविध शाळेतून २० स्पर्धकांनी सहभाग नोंदवला होता. एकूण ५ पैकी ४ सामने जिंकून अमनने तृतीय क्रमांक मिळविला. अमनने आता जिल्हास्तरावर मजल मारली आहे. त्याच्या या यशाबद्दल शाळेच्या प्राचार्या चैताली रावतोळे व शाखा व्यवस्थापक जगन गावित यांनी सत्कार केला. त्याचे वर्गशिक्षक लक्ष्मण पाटील व शाळेतील सर्व शिक्षकवृंदांनी अमनला शुभेच्छा दिल्या. त्याला क्रीडाशिक्षक अमोल सोनार यांचे मार्गदर्शन लाभले.
