अमळनेर-लाईव्ह ट्रेंडस न्यूज प्रतिनिधी | येथील अमळनेर शहर व तालुका पत्रकार संघटनेच्या वतीने ६ जानेवारी रोजी पत्रकार दिन सोहळ्याचे आयोजन करण्यात आले आहे.
आद्य पत्रकार बाळशास्त्री जांभेकर यांची जयंती पत्रकार दिन म्हणून साजरी केली जाते. या अनुषंगाने येथे दिनांक ६ जानेवारी रोजी कार्यक्रमाचे आयोजन करण्यात आले आहे. सदर सोहळा अमळनेर शहरातील नियोजित पत्रकार भवनाच्या जागी सकाळी १० वाजता पार पडणार आहे.
यावेळी प्रमुख उपस्थिती आजी-माजी आमदार तसेच सर्व लोकप्रतिनिधी,शासकीय अधिकारी, कर्मचारी, तसेच सामाजिक व राजकीय क्षेत्रातील मान्यवरांची उपस्थिती लाभणार आहे. शहर आणि तालुक्यातील सर्व पत्रकार बांधवांनी यावेळी आवर्जून उपस्थिती द्यावे असे आवाहन पत्रकार संघटनेचे अध्यक्ष चेतन राजपूत आणि सचिव चंद्रकांत पाटील यांनी केले आहे.
