मुक्ताईनगर-लाईव्ह ट्रेंड्स न्यूज प्रतिनिधी । शिवसेना उद्धव बाळासाहेब ठाकरे पक्षाची मुक्ताईनगर तालुक्यातील संघटनात्मक बांधणी अधिक मजबूत करण्याच्या दृष्टीने विविध पदाधिकाऱ्यांच्या नियुक्त्या करण्यात आल्या आहेत. यामध्ये अक्षय अरुण पालवे यांची मुक्ताईनगर तालुका संघटकपदी नियुक्ती करण्यात आली आहे. या नियुक्तीमुळे तालुक्यात पक्षाचे संघटन अधिक प्रभावी करण्यासाठी त्यांच्यावर महत्त्वाची जबाबदारी सोपविण्यात आली आहे.
शिवसेना पक्षप्रमुख उद्धव बाळासाहेब ठाकरे तसेच युवासेनाप्रमुख आमदार आदित्य ठाकरे यांच्या नेतृत्वाखाली पक्षाची विचारधारा, भूमिका, ध्येय-धोरणे आणि जनहिताचे प्रश्न जनतेपर्यंत पोहोचविण्यासाठी संघटनात्मक पातळीवर विविध पदाधिकाऱ्यांची नियुक्ती करण्यात येत आहे. त्याचाच एक भाग म्हणून अक्षय अरुण पालवे यांची तालुका संघटकपदी निवड करण्यात आली आहे. मुक्ताईनगर तालुक्यात पक्षाची संघटनात्मक ताकद वाढविणे, शिवसैनिकांमध्ये समन्वय साधणे, पक्षाची भूमिका सर्वसामान्य नागरिकांपर्यंत पोहोचविणे तसेच स्थानिक पातळीवरील जनहिताच्या प्रश्नांना वाचा फोडणे, अशी जबाबदारी नवनियुक्त तालुका संघटक अक्षय पालवे यांच्यावर राहणार आहे. आगामी काळात तालुक्यातील पक्ष संघटन अधिक सक्रिय करण्यासाठी ते काम करणार असल्याचे सांगण्यात आले.
ही नियुक्ती शिवसेना उपनेते तथा नंदुरबार लोकसभा व रावेर लोकसभा संपर्कप्रमुख गुलाबराव वाघ, जिल्हा समन्वयक तथा माजी नगरसेवक प्रल्हाददादा महाजन, रावेर लोकसभा जिल्हाप्रमुख योगीराजदादा पाटील, रावेर लोकसभा जिल्हाप्रमुख ॲड. चंद्रकांत भाऊ शर्मा, जिल्हा उपसंघटक अशोकदादा शिंदे, रावेर तालुका प्रमुख प्रमोददादा कोंडे, मुक्ताईनगर तालुका प्रमुख ॲड. राहुल भाऊ पाटील तसेच जिल्हा व तालुका पदाधिकाऱ्यांच्या मार्गदर्शनाखाली करण्यात आली. दरम्यान, जळगाव जिल्हा (रावेर लोकसभा क्षेत्र) डिजिटल सोशल मीडिया समन्वयकपदी जयवंत प्रभाकर चौधरी (राजपूत) यांची नियुक्ती करण्यात आली आहे. तसेच रावेर तालुका महिला आघाडी प्रमुखपदी भारती स्वप्निल महाजन यांची नियुक्ती करण्यात आली आहे. या नियुक्त्यांमुळे रावेर लोकसभा क्षेत्रातील पक्षाच्या संघटनात्मक आणि सोशल मीडिया कार्याला अधिक बळ मिळण्याची अपेक्षा व्यक्त करण्यात आली आहे.
नवनियुक्त पदाधिकाऱ्यांचे शिवसेना उद्धव बाळासाहेब ठाकरे पक्षाच्या वतीने अभिनंदन करण्यात आले असून, त्यांच्या पुढील संघटनात्मक वाटचालीस शुभेच्छा देण्यात आल्या आहेत. नव्या जबाबदाऱ्यांच्या माध्यमातून पक्षाची विचारधारा, जनहिताचे प्रश्न आणि संघटनात्मक भूमिका अधिक प्रभावीपणे जनतेपर्यंत पोहोचविण्यावर भर राहणार आहे. अक्षय अरुण पालवे यांच्या मुक्ताईनगर तालुका संघटकपदाच्या नियुक्तीमुळे तालुक्यात शिवसेना ठाकरे गटाची संघटनात्मक बांधणी अधिक गतिमान होण्याची अपेक्षा असून, पक्षाच्या विविध आघाड्यांनाही नव्या नियुक्त्यांमुळे बळ मिळणार आहे.
