जळगाव-लाईव्ह ट्रेंडस न्यूज प्रतिनिधी । जळगाव शहरातील तांबापूरा भागात लोखंडी सुरा हातात घेवून दहशत माजविणाऱ्या एका तरूणावर एमआयडीसी पोलीसांनी रविवारी १९ मे रोजी रात्री १० वाजता कारवाई केली आहे. याप्रकरणी सोमवारी २० मे रोजी मध्यरात्री २ वाजता एमआयडीसी पोलीसात गुन्हा दाखल करण्यात आला.
याबाबत अधिक माहिती अशी की, जळगाव शहरातील तांबापूर परिसरात विशाल संतोष भोई वय २८ रा. तांबापूरा हा तरूण लोखंडी सुरा हातात घेवून दहशत माजवित असल्याची गोपनिय माहिती एमआयडीसी पोलीस ठाण्याचे पोलीस निरीक्षक बबन आव्हाड यांना मिळाली. त्यानुसार त्यांनी पथकाला कारवाईच्या सुचना दिल्या. पोलीसांनी रविवारी १९ मे रोजी रात्री १० वाजता संशयित आरोपी विशाल भोई याच्यावर कारवाई करत लोखंडी सुरा जप्त केला आहे. याप्रकरणी पोलीस कॉन्स्टेबल विनोद ऑस्कर यांनी फिर्याद दिली. त्यानुसार सोमवारी २० मे रोजी मध्यरात्री २ वाजता एमआयडीसी पोलीसात संशयित आरोपी विशाल भोई याच्यावर गुन्हा दाखल करण्यात आला. पुढील तपास पोहेकॉ रामकृष्ण पाटील हे करीत आहे.
