जळगाव-लाईव्ह ट्रेंडस न्यूज प्रतिनिधी । भारतरत्न डॉ. बाबासाहेब आंबेडकर यांच्या १३४ व्या जयंतीनिमित्त अखिल भारतीय विद्यार्थी परिषदेच्या (अभाविप) कार्यकर्त्यांनी त्यांच्या स्मारकास पुष्पहार अर्पण करून आदराने अभिवादन केले. याप्रसंगी अभाविपचे अनेक कार्यकर्ते मोठ्या संख्येने उपस्थित होते.
अभिवादन कार्यक्रमानंतर, अभाविपने डॉ. बाबासाहेब आंबेडकर यांच्या अनुयायांसाठी सेवाभावी उपक्रम राबवला. उन्हाळ्याची तीव्रता लक्षात घेता, कार्यक्रमाला आलेल्या बांधवांना अभाविपच्या जळगाव शाखेच्या वतीने थंडगार सरबत आणि पाण्याची सोय उपलब्ध करून देण्यात आली. कार्यकर्त्यांनी स्वतः पुढाकार घेऊन उपस्थित लोकांना सरबत आणि पाणी वाटले, ज्यामुळे उन्हाच्या त्रासातून त्यांना काहीसा दिलासा मिळाला.
हा कार्यक्रम यशस्वी करण्यासाठी अभाविपचे विभाग संयोजक भावीन पाटील, जिल्हा कार्यालय प्रमुख प्रतीक साळी, महानगर सहमंत्री चिन्मय महाजन, महानगर एसएफडी संयोजक गणेश दुसाने, विद्यापीठ नगर मंत्री गौरव राजपूत आणि इतर अनेक कार्यकर्त्यांनी सक्रिय सहभाग घेतला. अखिल भारतीय विद्यार्थी परिषदेच्या वतीने भविष्यातही अशा प्रकारचे सामाजिक बांधिलकीचे उपक्रम नियमितपणे राबवले जातील, असे सांगण्यात आले.
