जळगाव प्रतिनिधी । तालुक्यातील म्हसावद येथील २० वर्षीय तरूणीने राहत्या घरात गळफास घेवून आत्महत्या केल्याची घटना शनीवारी सायंकाळी ४ वाजेच्या सुमारास घडली. याप्रकरणी एमआयडीसी पोलीसात अकस्मात मृत्यूची नोंद करण्यात आली आहे.
पोलीसांकडून मिळालेल्या माहितीनुसार, सोनाली बाळू महाजन (वय-२०) रा. म्हसावद ता. जि.जळगाव ही तरूणी आईवडीलांसह राहते. वडील खासगी वाहन चालवून कुटुंबाचा उदरनिर्वाह करतात. २७ मार्च रोजी घरात कोणीही नसतांना सोनाली महाजन हीने राहत्या घरात दोरीने गळफास घेवून आत्महत्या केल्याचे उघडकीला आला. नेमके आत्महत्या करण्याचे नेमके कारण कळू शकले नाही. २७ मार्च रोजी रात्री उशीरा एमआयडीसी पोलीसात अकस्मात मृत्यूची नोंद करण्यात आली आहे. पुढील तपास सपोनि अमोल मोरे करीत आहे.
