भुसावळ लाईव्ह ट्रेंडस न्यूज प्रतिनिधी । भुसावळ तालुक्यातील वरणगाव गावाजवळ असलेल्या हॉटेल निर्मल समोर भरधाव वेगाने येणाऱ्या अज्ञात वाहनाने जोरदार धडक दिल्याने कहूरखेडा येथील तरुणाचा दुर्दैवी मृत्यू झाल्याची घटना शुक्रवारी २५ ऑक्टोबर रोजी सायंकाळी ७.३० वाजता घडली आहे. याप्रकरणी अज्ञात वाहनावरील चालका विरोधात वरणगाव पोलीस ठाण्यात गुन्हा दाखल करण्यात आला आहे. विशाल सुरेश पाटील वय 27 रा. काहूरखेडा ता. भुसावळ असे मयत झालेल्या तरुणाचे नाव आहे.
वरणगाव पोलिसांनी दिलेले माहिती अशी की, भुसावळ तालुक्यातील वरणगाव गावाजवळ हॉटेल निर्मल समोरील असलेल्या राष्ट्रीय महामार्गावर वरून विशाल पाटील हा शुक्रवारी २५ ऑक्टोबर रोजी सायंकाळी ७.३० वाजता पायी जात असताना अज्ञात वाहनाने जोरदार धडक दिली. या धडकेत विशाल पाटील यांचा जागेवरच मृत्यू झाला. दरम्यान या घटनेबाबत कहूरखेडा गावातील पोलीस पाटील चंद्रकांत पाटील यांनी पोलिसांना माहिती दिली ल. त्यानुसार वरणगाव पोलीस ठाण्याचे पोलीस कर्मचारी यांनी घटनास्थळी धाव घेऊन पंचनामा करून मृतदेह वरणगाव ग्रामीण रुग्णालयात दाखल करण्यात आला . याप्रकरणी वरणगाव पोलीस ठाण्यात अकस्मात मृत्यूची नोंद करण्यात आली आहे. पुढील तपास पोलीस उपनिरीक्षक रामदास गांगुर्डे हे करीत आहे.
