फैजपूर, ता. यावल प्रतिनिधी । अयोध्या येथे ५ ऑगस्ट रोजी होणार्‍या राम मंदिराच्या भूमिपुजनासाठी येथील सत्पंथ मंदिराचे गादीपती महामंडलेश्‍वर जनार्दन हरीजी महाराज यांना निमंत्रीत करण्यात आले आहे.
याबाबत वृत्त असे की, दिनांक ५ ऑगस्ट २०२० रोजी अयोध्या येथे श्री राम मंदिर भूमिपूजन होत असून यासाठी पंतप्रधान नरेंद्र मोदी यांच्यासह देशभरातील काही संतांना आमंत्रित करण्यात आले आहे. यात फैजपूर येथील सतपंथ मंदिराचे गादीपती तथा अखिल भारतीय संत समितीचे खजिनदार महामंडलेश्‍वर स्वामी श्री जनार्दन हरीजी महाराज यांनाही श्रीराम मंदिर तीर्थक्षेत्र आयोध्या यांचेकडून आमंत्रण मिळाले आहे. ते या भूमिपूजन सोहळ्यासाठी अयोध्येला दि. २ ऑगस्ट रोजी जाणार आहे. तत्पूर्वी दि. १ ऑगस्टला ते चांगदेव येथील तापी-पूर्णा संगमावर जाऊन या पवित्र नद्यांचे जल आणून विधीवत पूजन करणार आहे. आणि ते पवित्र जल घेऊन अयोध्याला प्रस्थान करणार आहे असे महामंडलेश्‍वर जनार्दन हरीजी महाराज यांनी सांगितले.
