अमळनेर-लाईव्ह ट्रेंडस न्यूज प्रतिनिधी । अमळनेर तालुक्यातील एका गावातून एका १४ वर्षीय अल्पवयीन मुलीचे अज्ञात व्यक्तीने आमिष दाखवून अपहरण केल्याची धक्कादायक घटना समोर आली आहे. सोमवारी, २८ जुलै रोजी सायंकाळी ६ वाजता ही घटना घडली असून, या प्रकरणी मंगळवारी, २९ जुलै रोजी सायंकाळी ६ वाजता अमळनेर पोलीस ठाण्यात अज्ञात व्यक्तीविरोधात अपहरणाचा गुन्हा दाखल करण्यात आला आहे.
पोलिसांनी दिलेल्या माहितीनुसार, अमळनेर तालुक्यातील एका गावातील संबंधित अल्पवयीन मुलगी सोमवारी सायंकाळी ६ वाजेच्या सुमारास खेळण्यासाठी घराबाहेर पडली होती. त्यावेळी एका अज्ञात व्यक्तीने तिला काहीतरी आमिष दाखवून फूस लावून पळवून नेले. मुलगी बराच वेळ घरी न परतल्याने तिच्या कुटुंबीयांनी तिची शोधाशोध सुरू केली. नातेवाईकांनी सर्व संभाव्य ठिकाणी चौकशी केली, परंतु मुलीबद्दल कोणतीही माहिती मिळू शकली नाही. अखेर, मुलीच्या पालकांनी हताश होऊन मंगळवारी सायंकाळी ६ वाजता अमळनेर पोलीस ठाण्यात धाव घेतली आणि तक्रार नोंदवली.
पालकांच्या तक्रारीवरून पोलिसांनी तात्काळ अज्ञात व्यक्तीविरुद्ध अपहरणाचा गुन्हा दाखल केला आहे. या प्रकरणाचा पुढील तपास पोलीस हवालदार गणेश पाटील करत आहेत.
