भुसावळ-लाईव्ह ट्रेंडस न्यूज प्रतिनिधी । भुसावळ ते दिपनगर दरम्यनच्या निर्मल ढाब्याजवळ अज्ञात वाहनाने दिलेल्या ४६ वर्षीय व्यक्ती हे गंभीर जखमी झाल्याची घटना बुधवारी १८ डिसेंबर रोजी मध्यरात्री २ वाजेच्या सुमारास घडला आहे. जळगाव येथील शासकीय वैद्यकीय महाविद्यालयात त्यांच्यावर उपचार सुरू असतांना उपचारादरम्यान मृत्यू झाला आहे. याप्रकरणी भुसावळ तालुका पोलीस ठाण्यात अकस्मात मृत्यूची नोंद करण्यात आली आहे. हिरामण कारभारी धात्रक वय ४६ रा. उमराळे ता.दिंडोरी जि.जळगाव असे मयत झालेल्या प्रौढ व्यक्तीचे नाव आहे.
अधिक माहिती अशी की, भुसावळ ते दिपनगर दरम्यानच्या राष्ट्रीय महामार्गावर हिरामण धात्रक हे बुधवारी १८ डिसेंबर रोजी मध्यरात्री २ वाजता रस्त्यावरून जात असतांना निर्मल ढाब्याजवळ अज्ञात वाहनाने त्यांना जोरदार धडक दिली. या धडकेत ते गंभीर जखमी झाल्याने त्यांना जळगाव येथील शासकीय वैद्यकीय महाविद्यालयात उपचारार्थ दाखल करण्यात आले. त्यांच्यावर उपचार सुरू असतांना त्यांचा उपचारादरम्यान मृत्यू झाला. याप्रकरणी भुसावळ तालुका पोलीस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ योगेश पालवे हे करीत आहे.
