जळगाव लाईव्ह ट्रेंडस न्यूज प्रतिनिधी । जळगाव शहरातील नवीन बसस्थानकात बसमध्ये चढत असताना एका महिलेच्या गळ्यातील 42 हजार रुपये किमतीची सोन्याचे मंगळसूत्र अज्ञात चोरट्याने चोरून नेल्याची घटना बुधवारी दुपारी घडली आहे. याप्रकरणी जिल्हापेठ पोलीस ठाण्यात अज्ञात चोरट्यांवर गुन्हा दाखल करण्यात आला आहे.
सोनाली ज्ञानेश्वर गांगुर्डे वय-36 रा. नाशिक ही महिला आपल्या परिवारासह वास्तव्याला असून कामाच्या निमित्ताने बुधवार 27 नोव्हेंबर रोजी दुपारी 4 वाजता महिला ह्या जळगाव येथील नवीन बसस्थानकात आलेल्या होत्या. जळगाव ते पाचोरा या बसमध्ये चढत असताना त्यांच्या गळ्यातील 14 ग्रॅम वजनाची 42 हजार रुपये किमतीची सोन्याचे मंगळसूत्र अज्ञात चोरट्याने चोरून नेली. ही घटना उघडकीला आल्यानंतर त्यांनी सर्वत्र शोध घेतला. परंतु मंगळसूत्र संदर्भात कोणतीही माहिती मिळाली नाही. अखेर त्यांनी रात्री 8 वाजता जिल्हापेठ पोलीस ठाण्यात धाव घेऊन तक्रार दिली. त्यानुसार अज्ञात चोरट्यांवर गुन्हा दाखल करण्यात आला. पुढील तपास पोलीस कॉन्स्टेबल नरेश सोनवणे करीत आहे.
