पाचोरा लाईव्ह ट्रेंडस न्यूज प्रतिनिधी । पाचोरा शहरातील भडगाव रोडवर समोरून येणाऱ्या ट्रॅक्टरच्या हेडलाईटच्या प्रकाशामुळे दुचाकीवरील ताबा सुटल्याने दुचाकी थेट ट्रॅक्टरवर आदळल्याने एका ५६ वर्षीय प्रौढ व्यक्तीचा मृत्यू झाल्याची घटना मंगळवारी २६ नोव्हेंबर रोजी रात्री १० वाजेच्या सुमारास घडली आहे. या घटनेमुळे परिवारावर शोककळा पसरली आहे. बापू सोमनाथ जगताप वय ५६ रा. कजगाव ता.भडगाव असे मयत प्रौढाचे नाव आहे.
याबाबत अधिक माहिती अशी की, बापू जगताप हे आपल्या पत्नी, दोन मुलं आणि सुना यांच्यासह भडगाव तालुक्यातील कजगाव येथे वास्तव्याला होता. मंगळवारी २६ नोव्हेंबर रोजी रात्री १० वाजेच्या सुमारास ते पासर्डी ते कजगाव दरम्यान जात असतांना समोरून येणाऱ्या ट्रॅक्टरच्या हेडलाईटच्या प्रकाशामुळे त्यांचा दुचाकीवरील ताबा सुटल्याने त्यांची दुचाकी थेट ट्रॅक्टरवर आदळली. या अपघात बापू जगताप हे गंभीर जखमी झाले. त्यांना चाळीसगाव ग्रामीण रूग्णालयात दाखल करण्यासाठी नेत असतांना रस्त्यावरच त्यांचा मृत्यू झाला. याप्रकरणी पोलीसात नोंद करण्याचे काम सुरू होते. त्यांच्या अकाली मृत्यूमुळे परिवारावर दु:खाचा डोंगर कोसळला आहे. त्यांच्या पश्चात पत्नी, दोन मुल, सुना असा परिवार आहे.
