भुसावळ लाईव्ह ट्रेंडस न्यूज प्रतिनिधी । भुसावळ तालुक्यातील दीपनगर औष्णिक विद्यूत केंद्र आवारातून १३ हजार रूपये किंमतीचे साहित्याची चोरी केल्याची घटना समोर आली आहे. याप्रकरणी शनिवारी सायंकाळी साडेपाच वाजता भुसावळ तालुका पोलीस ठाण्यात एकावर गुन्हा दाखल करण्यात आला आहे.
याबाबत अधिक असे की, भुसावळ तालुक्यातील दीपनगर येथे औष्णिक विद्यूत केंद्र आहे. याठिकणी औष्णिक विद्यूत केंद्रासाठी लागणारे साहित्य ठेवण्यात आले आहे. दरम्यान, १२ ऑक्टोबर रोजी दुपारी १ वाजेच्या सुमारास संशयित आरोपी शशिकांत भागवत चौधरी वय ४९ रा. दिपनगर, भुसावळ याने १२ हजार ९०० रूपये किंतीचे साहित्य वाहन क्रमांक (एमएच १५ जीव्ही ६७१६) मध्ये ठाकून नेत असतांना महाराष्ट्र सुरक्षा बलचे कर्ममचारी प्रविण पाटील यांच्या लक्षात आले. त्यानंतर याबाबत भुसावळ तालुका पोलीस ठाण्यात तक्रार देण्यात आली. त्यानुसार संशयित आरोपी शशिकांत चौधरी याच्या विरोधात गुन्हा दाखल करण्यात आला आहे. पुढील तपास पोलीस उपनिरीक्षक मंगेश दराडे हे करीत आहे.
