दिल्ली-लाईव्ह ट्रेंडस न्यूज वृत्तसेवा | दिल्ली मद्य धोरणाशी संबंधित भ्रष्टाचार प्रकरणी राऊस ॲव्हेन्यू कोर्टाने ५ मे रोजी अरविंद केजरीवाल यांच्या न्यायालयीन कोठडीत 19 जूनपर्यंत वाढ केली. केजरीवाल यांना न्यायालयातूनच वीसीमार्फत हजर करण्यात आले. न्यायालयाने केजरीवाल यांचा वैद्यकीय आधारावर 7 दिवसांचा जामीन मागणारा अंतरिम जामीन अर्ज फेटाळला. तसेच केजरीवाल यांच्या आवश्यक वैद्यकीय चाचण्या घेण्याच्या सूचना अधिकाऱ्यांना देण्यात आल्या आहेत.
1 मे रोजी झालेल्या सुनावणीत विशेष न्यायाधीश कावेरी बावेजा यांनी केजरीवाल यांच्या जामीन अर्जावरील निर्णय 5 जूनपर्यंत राखून ठेवला होता. केजरीवाल यांनी त्यांच्या वैद्यकीय चाचण्या करून घेण्यासाठी 7 दिवसांचा जामीन मागितला होता, परंतु ईडीने न्यायालयात त्यांच्या अपीलला विरोध केला होता. केजरीवाल यांना 21 मार्च रोजी अटक करण्यात आली होती. सर्वोच्च न्यायालयाने 10 मे रोजी त्यांना अंतरिम जामीन मंजूर केला होता. 21 दिवस जामिनावर बाहेर राहिल्यानंतर केजरीवाल यांनी 2 जून रोजी सायंकाळी 5 वाजता तिहारमध्ये सरेंडर केले.
त्यानंतर सुमारे 30 मिनिटांनी त्यांना 5 जूनपर्यंत ईडी न्यायालयीन कोठडीत पाठवण्यात आले. एजन्सीने केजरीवाल यांच्या कोठडीसाठी अर्ज दाखल केला होता, परंतु दिल्लीचे मुख्यमंत्री अंतरिम जामिनावर असल्याने अर्ज प्रलंबित होता. ईडीने न्यायालयात दावा केला होता की केजरीवाल यांनी तथ्य दडपले आहे आणि त्यांच्या आरोग्याबाबत खोटी विधाने केली आहेत. त्यांचे वजन 1 किलोने वाढले आहे, परंतु त्यांचे वजन 7 किलोने कमी झाल्याचा तो खोटा दावा करत आहेत. सॉलिसिटर जनरल तुषार मेहता यांनी न्यायालयाला सांगितले होते की, केजरीवाल यांनी 31 मे रोजी पत्रकार परिषदेत 2 जून रोजी सरेंडर करणार असल्याचा दिशाभूल करणारा दावाही केला होता. मात्र, केजरीवाल यांच्या वकिलाने न्यायालयात सांगितले की, ते आजारी असून त्यांच्यावर उपचारांची गरज आहे. मात्र, न्यायालयाने जामीन अर्जावरील निर्णय 5 जूनपर्यंत राखून ठेवला आहे.
