भुसावळ (प्रतिनिधी) शहरातील पंचशीलनगरमधील गोरगरिबांना रेशनचे धान्य वेळेवर मिळत नसल्याने संबंधित रेशन दुकानदारांवर कारवाई करावी, या मागणीसाठी नागरिकांनी तहसील कार्यालयावर मोर्चा काढुन निवेदन दिले आहे.
आधीच दुष्काळ सारखी परिस्थिती निर्माण झाली आहे. गरीबांच्या हाताला काम मिळणे कठीण झाले आहे. मिळेल ते काम करुन ते आपल्या संसाराचा गाढा ओढत आहे. त्यात रेशन दुकानदार धान्य कोठा कमी मिळत असल्याचे कारण सांगून धान्य देत नसल्याने उधरनिर्वाहासाठी मोठी कसरत करावी लागत असल्यामुळे नागरिक संतप्त आहेत. संबंधित दुकानदारावर कारवाई करुन वेळेवर धान्य द्यावे, अशी मागणी पंचशीलनगरमधील नागरिकांनी केली आहे.
