चाळीसगाव (प्रतिनिधी) पाणी फाऊंडेशनच्या माध्यमातून चाळीसगाव तालुक्यातील आभोणे तांडा येथे जलसंधारणच्या कामासाठी जळगाव जिल्हा परिषदेच्यावतीने जिल्ह्यातील पाचोरा ,भडगाव, चाळीसगाव तालुक्यातील सर्व विभागांचे अधिकारी व कर्मचारी श्रमदानासाठी पहाटे ६ वाजेपासून उपस्थित होते.
जलसंधारण कामांसाठी सहाय्यक जिल्हा आरोग्य अधिकारी डॉ. समाधान वाघ , वैद्यकीय अधिकारी डाॅ. प्रशांत पाटील, डाॅ. प्रशांत शेळके , रोटरी मिलेनियमचे अध्यक्ष तथा तळेगाव आरोग्य केंद्राचे वैद्यकीय अधिकारी डाॅ. प्रमोद सोनवणे, डाॅ. योगेश पाटील, डाॅ .विजय पाटील ,डाॅ. राजेश चौधरी व आरोग्य कर्मचारीवृंद मोठ्या संख्येने उपस्थित होते. यावेळी ग्रामस्थासह जेष्ठ महिला जलमिञ जमुनामायच्यासह अधिकारी व कर्मचारींना रोटरी मिलेनियम अध्यक्ष डाॅ . प्रमोद सोनवणे यांनी पाणीबचतीची शपथ घेतली. पाणी फाऊंडेशनच्या माध्यमातून सुनिल पाटील, कळमडू पोलिस पाटील सुनिल मोरे,ग्रामपंचायत सदस्य कैलास महाले व निर्मला रोहिदास राठोड यांनी उपस्थितांचे स्वागत केले. याप्रसंगी चाळीसगाव बीडीओ अतुल पाटील , पाचोरा बीडीओ गणेश चौधरी,सहाय्यक बीडीओ अजितसिंग पवार, आदींसह सर्व विस्तार अधिकारी, अंगणवाडी पर्यवेक्षिका , ग्रामविकास अधिकारी, ग्रामसेवक, शिक्षक, आरोग्य कर्मचारी, अंगणवाडी सेविका, आशा स्वयंसेविका आदी उपस्थित होते.
