यावल (प्रतिनिधी) तालुक्यातील दहिगाव येथे एका तरुणाचा मृतदेह गावाजवळच्या शेताजवळील पाण्याच्या कुंडाजवळ मिळुन आला आहे.
याबाबत मिळालेली माहिती अशी की, दहिगाव येथे गावालगत असलेल्या चिंतामण भिकन पाटील यांच्या शेतातील विहिरीजवळ असलेल्या पाण्याच्या कुंडात आज सकाळी गावातील गणेश ज्ञानदेव पाटील (वय-३३) हा तरूण मृतावस्थेत आढळुन आला आहे. या घटनेची खबर येथील किशोर तुकाराम पाटील यांनी यावल तालुका पोलीस ठाण्यात दिल्यानुसार आकस्मात मृत्युची नोंद करण्यात आली असुन पुढील तपास सुरु आहे. गणेश पाटील यांच्या पश्चात आई, वडील, पत्नी, मुलगा, मुलगी असा परिवार आहे.
