नागपूर : वृत्तसंस्था । राष्ट्रीय स्वयंसेवक संघाचे सरसंघचालक डॉ. मोहन भागवत यांना कोरोनाचा संसर्ग झाला आहे. त्यांची आरटीपीसीआर चाचणी पॉझिटिव्ह आली आहे. त्यांच्यावर उपचार सुरू असून त्यांची प्रकृती ठीक असल्याची माहिती संघाने दिली आहे.
आरटीपीसीआर करोना पॉझिटीव्ह आल्यामुळे मोहन भागवत यांना नागपूरच्या किंग्जवे हॉस्पिटल येथे भरती करण्यात आले आहे. शुक्रवारी त्यांना सर्दी, खोकल्याचा त्रास जाणवल्यामुळे लगेच त्यांची चाचणी करून त्यांना रुग्णालयात दाखल करण्यात आले.
भागवत यांना कोरोना झाल्यानंतर केंद्रीय मंत्री नितीन गडकरी यांनी ट्विट केले आहे. ”राष्ट्रीय स्वयंसेवक संघाचे डॉ. मोहन भागवत पॉझिटिव्ह असल्याचे वृत्त आहे. लवकरात लवकर त्यांना बरे वाटावे, अशी देवाकडे प्रार्थना करतो”, असे ट्विट गडकरींनी केले आहे.
