चोपडा-लाईव्ह ट्रेंड्स न्यूज प्रतिनिधी । चोपडा शहरातील भगिनी मंडळ संस्थेच्या सचिव तथा लक्ष्मी महिला पतपेढीच्या संस्थापक अध्यक्षा उर्मिलाबेन वसंतलाल गुजराथी (वय ८८) यांचे गुरुवार, दि. १५ ऑक्टोबर रोजी पहाटे ६.३० वाजता वृद्धापकाळाने निधन झाले. त्यांच्या निधनाने चोपडा शहरातील सामाजिक व सहकार क्षेत्राशी संबंधित परिवारात शोककळा पसरली आहे.
उर्मिलाबेन गुजराथी या चोपडा शहरातील बाबाजी परिवारातील ज्येष्ठ कार्यकर्ते वसंतलाल गोवर्धनदास गुजराथी यांच्या पत्नी होत्या. सामाजिक कार्याशी निगडित संस्थांमध्ये महत्त्वाची जबाबदारी सांभाळताना त्यांनी भगिनी मंडळ संस्थेच्या सचिवपदाची धुरा सांभाळली. तसेच लक्ष्मी महिला पतपेढीच्या संस्थापक अध्यक्ष म्हणूनही त्यांची ओळख होती.
माजी विधानसभा अध्यक्ष प्रा. अरुणभाई गुजराथी यांच्या त्या मोठ्या वहिनी होत्या. तसेच चोपडा नगरपरिषदेच्या माजी नगरसेविका श्रीमती अश्विनी गुजराथी यांच्या त्या सासू होत. गुजराथी परिवाराशी संबंधित सामाजिक आणि सार्वजनिक क्षेत्रातील व्यक्तींशी त्यांचे जवळचे कौटुंबिक नाते होते.उर्मिलाबेन यांच्या निधनाने गुजराथी परिवारावर दुःखाचा डोंगर कोसळला आहे. त्यांच्या पश्चात पती, सून, दोन मुली, जावई आणि नातवंडे असा परिवार आहे. त्यांच्या निधनाबद्दल शहरातील नागरिकांकडून तसेच परिचितांकडून दुःख व्यक्त केले जात आहे.
