चाळीसगाव प्रतिनिधी । बांधकामच्या ठिकाणी मुतारीला छत्रपतींच्या प्रतिमेचे बॅनर लावून विटंबना केल्याप्रकरणी येथील भाजपाचे नगरसेवक राजेंद्र चौधरी यांची भाजपातून तत्काळ निलंबित करण्याची मागणी शिवप्रेमी संघटनेने आमदार मंगशे चव्हाण आणि भाजपा शहराध्यक्ष घुष्णेश्वर पाटील यांच्याकडे आज निवेदनाद्वारे केली आहे.
भाजपाचे नगरसेवक राजेंद्र रामदास चौधरी यांचे शहरातील लक्ष्मीनगर येथे नवीन ॲपरामेंटचे बांधकाम काम सुरू आहे. त्याठिकाणी त्यांनी कामगारांसाठी मुतारी उभारली असुन त्या मुतारीसाठी अखंड हिंदुस्थानाचे दैवत छत्रपती शिवाजी महाराज, खा संभाजीराजे भोसले, भाजपा नेते गिरीशभाऊ महाजन यांचे प्रतिमा असलेले बॅनरचा वापर अडोसा म्हणून केल्याने त्या बॅनर वर असलेल्या शिवाजी महाराजांची विटंबना झाली आहे. त्यामुळे तमाम शिवप्रेमीच्या भावना दुखावल्या गेल्याने भाजपा नगरसेवक राजेंद्र रामदास चौधरी यांना भाजपातुन तात्काळ अपात्र करण्यात यावे, अशी मागणी आमदार मंगेश चव्हाण व भाजपा शहरअध्यक्ष घुष्णेश्वर पाटील यांच्या कडे शिवप्रेमी संघटनानी निवेदनाद्वारे ८ रोजी केली आहे
महापुरुषांचा अवमान झाल्याने या प्रकरणामुळे महाराष्ट्रात शिवप्रेमी बांधवांमध्ये सतप्त प्रतिक्रिया उमटत आहे भाजपा हा शिस्तप्रिय पक्ष आहे आणि त्याच पक्षात भाजपचे नगरसेवक असलेले राजेंद्र चौधरी यांनी छत्रपती शिवरायांचा फोटो असलेला बॅनर मुतारीला लावणे म्हणजे समस्त देशवासीयांच्या भावना दुखावणे आहे. यामुळे भाजपाची प्रतिमा मलीन होऊ नये यासाठी त्यांचा नगरसेवकपदाचा राजीनामा घेऊन त्यांची भाजपाच्या सदस्य पदावरून हकालपट्टी करावी. यामुळे शिस्तप्रिय असलेल्या भाजपा पक्षाची छबी अखंड राहील पक्षावर शिवप्रेमींचा रोष राहणार नाही म्हणून आपण राजेंद्र रामदास चौधरी यांची हकालपट्टी तात्काळ करावी व शिवप्रेमी बांधवांच्या सयामचा बांध तुटल्यास तीव्र आंदोलन करण्याचा इशारा देण्यात आला आहे.
निवेदनावर यांची स्वाक्षरी
गणेश पवार, खुशाल पाटील, पंकज पाटील, पप्पु पाटील, संजय कापसे, उत्कर्ष देशमुख, प्रमोद वाघ, ज्ञानेश्वर कोल्हे, बंडु पगार, जितेंद्र पाटील, भास्कर पाटील, भावेश कोठावदे, अरुण पाटील, राजेंद्र पगार, योगेश खंडेलवाल, सिध्दार्थ राजपुत, सचिन आव्हाड, अजय पाटील, शुभम नागरे, अनिल सोनार, अमोल राजपुत, संदिप काळे, भूषण देशमुख, उध्देश शिंदे, ललित महाजन, आशुतोष पाटील, कुणाल भोसले, रोहन वाघ, अनिल कापसे, दिनेश साबळे, निलेश राजपूत, अमोल राजपूत, कुणाल तांबे, दिनकर कडलग यांच्यासह शिवप्रेमी संघटनेच्या पदाधिकारी कार्यकर्त्यांच्या स्वाक्षऱ्या आहेत.
