रावेर : प्रतिनिधी | तालुक्यातील ई-टेंडर व दलितवस्तीच्या कामांच्या चौकशीचे पुढे काय झाले ?, या उत्सुकतेमुळे चौकशीबद्दल गुढ वाढले आहे या चौकशीवरुन जिल्हा परिषदची सभा चांगलीच गाजली होती.
रावेर तालुक्यात दलितवस्ती कामांच्या ई-टेंडर मध्ये नियमांची पायमल्ली झाली असा आरोप झाल्यावर ग्रामसेवक व गट विकास अधिकारी यांच्यावर ताशेरे ओढत जिल्हा परिषद सदस्य नंदकिशोर महाजन यांनी जि प बैठक चांगलीच गाजवली होती.त्यानंतर चौकशीसाठी समिती गठित करण्यात आली होती दुसऱ्याच दिवशी समितीने रावेर पंचायत समितीत दहा तास कामांची व ई-टेंडरच्या कागदपत्रांची पडताळणी केली होती. या समितीला जाऊन अनेक दिवस उलटले परंतु पुढे काय झाले ? याचे गूढ वाढले आहे.
या ई-टेंडर व दलितवस्तीच्या कामांच्या चौकशी करण्यासाठी जिल्हा परिषदने सहा जणांची समिती गठीत केली होती. यामध्ये उपमुख्य कार्यकारी अधिकारी कमलाकर रणदिवे , सामान्य प्रशासनाचे बाळासाहेब बोटे , समाज कल्याण विभागाचे विजय रायसिंघे यांच्यासह सहा जणांचा समावेश होता चौकशी होऊन महीना उलटला परंतु अद्याप दोषी कोण हे समजले नाही.
