मुंबई प्रतिनिधी । मनसे प्रमुख राज ठाकरे यांनी अलीकडेच आपल्या पक्षाच्या झेंड्यात बदल करून आपली भूमिकादेखील बदलण्याचे संकेत दिले असून या बदलाचे अमृता फडणवीस यांनी स्वागत केले आहे.
मनसेच्या पहिल्या अधिवेशनात पक्षाच्या बहुरंगी झेंड्याच्या जागी छत्रपती शिवाजी महाराज यांची राजमुद्रा असणारा ध्वजाचं अनावरण करण्यात आले. याप्रसंगी राज ठाकरे यांनी केेल्या भाषणातून मनसे आगामी काळात हिंदुत्वाच्या मार्गाने वाटचाल करणार असल्याचे संकेत मिळाले आहेत. या पार्श्‍वभूमिवर, अमृता फडणवीस यांनी या बदलाचे स्वागत केले आहे. एका वृत्तवाहिनीला दिलेल्या मुलाखतीत अमृता फडणवीस म्हणाल्या की, राज ठाकरे यांनी पक्षासाठी आता नवीन दिशा ठरवली आहे. त्यामुळे ते आता चांगल्या प्रकारे काम करतील.
