जळगाव प्रतिनिधी । आंघोळ करण्यासाठी गेलेल्या तरूणाचा बाथरूममध्ये पडल्याने डोक्याला गंभीर दुखापत झाल्याने जागीच मृत्यू झाल्याची घटना आज सकाळी घडली. शहर पोलीस ठाण्यात अकस्मात मृत्यूची नोंद करण्यात आली आहे.
अधिक माहिती अशी की, सचिन राधेश्याम राणा (वय-39) रा. नवी पेठ हे एलआयसी एजंटचे काम करतात. घरी पत्नी आणि लहान मुलीसोबत राहतात. आज पहाटे ५.३० वाजेच्या सुमारास ते उठले. अंघोळ करण्यासाठी ते बाथरूममध्ये जात असतांना त्यांचा पाय घसरल्याने ते खाली पडले. त्यात त्यांच्या डोक्याला गंभीर जखमी झाले. त्यांना तातडीने नातेवाईक नितीन फकीरचंद दाळवाले रा. शिवाजी नगर यांनी खासगी रूग्णालयात उपचारार्थ दाखल केले. तब्बेत गंभीर असल्याने त्यांना शिरसोलीरोडवरील गुलाबराव देवकर वैद्यकिय महाविद्यालयात दाखल केल्यानंतर वैद्यकिय अधिकारी डॉ. सचिन अहिरे यांच्या फिर्यादीवरून शहर पोलीस ठाण्यात अकस्मात मृत्यूची नोंद करण्यात आली आहे. प्राथमिक तपास पोहेकॉ नरेंद्र पाटील, निलेश पाटील करीत आहे.
