जळगाव-लाईव्ह ट्रेंडस न्यूज प्रतिनिधी । रामानंदनगर परिसरातील सह्याद्री अपार्टमेंटसमोर बांधकामाच्या ठिकाणाहून साहित्य चोरी करणाऱ्या दोन संशयितांना रामानंदनगर पोलिसांनी अटक केली आहे. या संशयितांची न्यायालयीन कोठडीत रवानगी केली आहे. यात पोलिसांनी संशयितांनी चोरलेल्या ५ हजारांच्या लोखंडी आसारी हस्तगत केल्या आहेत.
रामानंदनगर पोलीस ठाण्याचे कर्मचारी सुशील चौधरी हे गस्तीवर असतांना त्यांना दुचाकीवरुन दोन जण आसारी घेवून जातांना दिसले. दोघांना दुचाकी व मुद्देमालासह पोलीस ठाण्यात नेण्यात आले. याप्रकरणी बांधकाम ठिकाणचे सुपरवायझर हरिशचंद्र देशमुख यांच्या फिर्यादीवरुन गुन्हा दाखल करण्यात येवून दोघांना अटक करण्यात आली होती. दोघांकडून चोरीचा सर्व मुद्देमाल पोलिसांनी हस्तगत केला आहे.