धरणगाव (प्रतिनिधी) धरणगाव कोवीड केअर सेंटरला शुक्रवार रात्री उशिरा प्राप्त झालेल्या अहवालानुसार तालुक्यात पुन्हा ३ जण कोरोना पॉझिटिव्ह आढळून आले आहेत. त्यात धरणगाव शहर, पाळधी खुर्द आणि गारखेडा येथील प्रत्येकी एका रुग्णाचा समावेश आहे. दरम्यान, शुक्रवारी दिवसभरात एकूण आढळून आलेल्या रुग्णांची संख्या ८ वर पोहचली होती.
धरणगाव कोवीड केअर सेंटरला शुक्रवार रात्री उशिरा प्राप्त झालेल्या अहवालानुसार तालुक्यात ३ जण कोरोना पॉझिटिव्ह आढळून आले आहेत. त्यात धरणगाव शहरातील मराठे गल्ली १, पाळधी खुर्द आणि गारखेडे येथील प्रत्येकी एका रुग्णांचा समावेश आहे. त्यामुळे शुक्रवारी दिवसभरात एकूण आढळून आलेल्या रुग्णांची संख्या ८ वर पोहचली. तालुक्यातील एकुण रूग्ण संख्या आता ३२३ झाली आहे. तर साधारण १०० रुग्ण कोविड सेंटरला उपचार घेत आहेत. तसेच आतापर्यंत साधारण २०० रुग्ण बरे होऊन घरी परतले आहेत. तर २१ जण मयत झाले आहेत. दुसरीकडे बालकवी ठोंबरे विद्यालय, कोविड सेंटर आणि लिटील ब्लाझम स्कूलमध्ये संशयिताना क्वारंटाईन करण्यात आलेले आहेत. नागरिकांनी प्रशासनाच्या नियमांचे पालन करावे, असे आवाहन लोकनियुक्त नगराध्यक्ष निलेश चौधरी यांनी केले आहे.
