धरणगाव प्रतिनिधी । धरणगाव कोवीड केअर सेंटरने पाठविलेल्या संशयित रूग्णांचा स्वॅबचा अहवाल आज दुपारी प्रशासनाला प्राप्त झाले. यात तालुक्यात २४ कोरोनाचे रूग्ण आढळून आले आहेत. या वृत्ताला नायब तहसीलदार प्रथमेश मोहोळ यांनी दुजोरा दिला आहे.
याबाबत माहिती अशी की, धरणगाव तालुक्यात आज आढळून आलेल्या अहवालात एकुण २४ रूग्ण कोरोना पॉझिटीव्ह आढळून आले आहे. यात वराड खुर्द ६, साकरे ५ रुग्ण आढळून आले आहेत. तसेच साळवा २, जळगाव २, नांदेड १, खर्दे १ , बांभोरी बुद्रुक १, वाघळूद बुद्रुक १,पाळधी १, धरणगाव १ रुग्ण आढळून आले आहेत. हेडगेवार नगर-१, भाटिया गल्ली १, मातोश्री नगर येथील १ रुग्णांचा समावेश आहे. तालुक्यात आज एकूण २४ कोरोनाबाधित रुग्ण आढळून आले आहेत. धरणगाव तालुक्यात एकूण रूग्ण संख्या ८०५ झाली असून यापैकी ३४ जणांचा मृत्यू तर ५५१ जण बरे होऊन घरी पाठविले आहे. तर उर्वरित २२० जण उपचार घेत आहे. या वृत्ताला नायब तहसीलदार प्रथमेश मोहोळ यांनी दुजोरा दिला आहे. दुसरीकडे बालकवी ठोंबरे विद्यालय, कोविड सेंटर आणि लिटील ब्लाझम स्कूलमध्ये संशयिताना क्वारंटाईन करण्यात आलेले आहेत. नागरिकांनी प्रशासनाच्या नियमांचे पालन करावे, असे आवाहन लोकनियुक्त नगराध्यक्ष निलेश चौधरी यांनी केले आहे.
