जळगाव प्रतिनिधी । जिल्ह्यात आज सायंकाळी प्राप्त झालेल्या रिपोर्टमध्ये तीन रूग्ण कोरोना पॉझिटीव्ह आढळून आले असून यात जळगाव, अमळनेर व पाचोर्‍याच्या रूग्णांचा समावेश असल्याची माहिती प्रशासनाने जाहीर केली आहे.
जिल्हा माहिती कार्यालयाने आज सायंकाळी एका प्रेस नोटच्या माध्यमातून कोरोना बाधितांचे ताजे स्टेटस जाहीर केले आहे. यानुसार- – जिल्ह्यात जळगाव, भुसावळ, चोपडा, अमळनेर, पाचोरा येथील स्वॅब घेतलेल्या 52 कोरोना संशयित व्यक्तीचे स्वॅब नमुना तपासणी अहवाल आज प्राप्त झाले आहे. यापैकी 49 व्यक्तीचे तपासणी अहवाल निगेटिव्ह आले असून तीन व्यक्तींचे तपासणी अहवाल पॉझिटिव्ह आले आहे.
पॉझिटिव्ह आढळलेल्या व्यक्तींमध्ये जळगाव शहरातील माता आश्रम येथील एक, अमळनेर येथील मराठे गल्लीतील एक, आणि पाचोरा येथील एक अशा तीन रुग्णांचा समावेश आहे. जिल्ह्यात आतापर्यंत कोरोना बाधित रूग्णांची संख्या 235 इतकी झाली असून त्यापैकी पस्तीस व्यक्ती कोरोनामुक्त होऊन घरी गेल्या आहेत तर अठ्ठावीस कोरोना बाधित रूग्णांचा मृत्यू झाला आहे. अशी माहिती जिल्हा प्रशासनाच्यावतीने देण्यात आली आहे.
