चोपडा (वृत्तसंस्था) सुरमाज एजुकेशन हेल्थ आणि सोशल वेलफेयर सोसायटीच्या वतीने चोपडा येथे 4 जुलै रोजी मोफत आरोग्य तपासणी शिबीर आयोजित करण्यात आले होते. यावेळी साधारण ६५०-७०० नागरिकांची आरोग्य तपासणी करण्यात आली.
या आरोग्य तपासणी शिबिराचे उदघाटन जळगाव शहराचे मुफ़्ती काज़ी शहर अतिक़ुर्रहमान साहेब व अ. करीम सालार यांच्या शुभहस्ते पार पडले. या वेळी फारूक शैख, मुफ्ती साहेब, अ.करीम सालार यांची भाषणे झाली. आपल्या भाषणात करीम भाई सालार यांनी लोकांना आव्हान केले की, कोरोनाला घाबरायचे काहीच कारण नाही. लोकांनी आजाराचे लक्षणे दिसताच घरी उपचार न करता, स्वतः समोर येऊन दवाखान्यात आपले उपचार केले पाहिजे, तरच आपण कोरोनाचा पराभव करू शकतो, असे सांगता लोकांच्या मनातील भीती दूर करण्याचा प्रयत्न केला. तसेच सालार यांनी सांगितले की, या कॅम्पला उपस्थित गरजू व गोर गरीबांना मोफत एक्सरे सुविधा अलफ़ैज़ फाउंडेशन जळगाव हे करणार. चोपड्यात शिबिराला लोकांनी चांगला प्रतिसाद दिला. यावेळी ६५०-७०० लोकांनी आपली तपासणी केली. शिबिरात जळगावचे डॉ.शोएब शेख,डॉ. इकबाल शेख, डॉ.जावेद, डॉ. मुजीब पिंजरी,डॉ.वसी अहेमद, डॉ.शाहरुख खान,डॉ. रियाज़ बागवान,डॉ. मुद्दसर शेख,डॉ. सादीक मलिक तसेच स्थानिक डॉक्टरांनी तपासणीची जबाबदारी पार पाडली. शिबिरात प्रमुख पाहुने जळगावचे अ.अज़ीज़ सालार,अनीस शाह,अय्यूब सर यांची उपस्थिति होती. हाजी उस्मान शेख, जियाऊद्दीन काज़ी, अबुलेस शेख, डॉ रागिब, सऊद बागवान, एस. बी. नाना, रईस खान यांनी या शिबिराची ज़बाबादारी पार पड़ली.
