जळगाव प्रतिनिधी । गेल्या अनेक दिवसांपासून कोरोनाचा सुरू असलेला संसर्ग कायम असून आज दिवसभरात ३९६ कोरोना बाधीत आढळून आले आहेत. तर याच कालावधीत १२० रूग्णांनी कोरोनावर मात केली आहे. जळगाव शहरासह चोपडा, चाळीसगाव व भुसावळ तालुक्यातील संसर्ग वाढीस लागल्याचे यातून दिसून आले आहे.
आजची आकडेवारी
जळगाव शहर-१४५, जळगाव ग्रामीण-३, भुसावळ-३६, अमळनेर-१२, चोपडा-64, पाचोरा-१, भडगाव-५, धरणगाव-२, यावल-१, एरंडोल-१, जामनेर-२, रावेर-५, पारोळा-१५, चाळीसगाव-६९, मुक्ताईनगर-१७, बोदवड-१२ आणि इतर जिल्हे ६ असे एकुण ३९६ बाधित रूग्ण आढळून आले आहे.
जिल्हा कोवीड रूग्णालयाने आज पाठविलेल्या कोरोना अहवालात जिल्ह्यात आजपर्यंत एकुण ६१ हजार २७४ रूग्ण कोरोना बाधित आढळून आले आहे. त्यापैकी ५७ हजार १०८ रूग्ण बरे होवून घरी परतले आहे. तर २ हजार ७७९ रूग्ण विविध कोवीड रूग्णालयात उपचार घेत आहे. आज चाळीसगाव तालुक्यातील ५३ वर्षीय आणि जळगाव शहरातील ४५ वर्षीय बाधित रूग्णाचा उपचारादरम्यान मृत्यू झाला आहे. अशी माहिती जिल्हा शल्यचिकित्सक अधिकारी डॉ. एन.एस.चव्हाण यांनी प्रसिध्दीपत्रकान्वये कळविले आहे.
