जळगाव लाईव्ह ट्रेंडस न्यूज प्रतिनिधी । जळगाव शहरातील दाणा बाजार परिसरामध्ये हातात लोखंडी कोयता घेऊन दहशत निर्माण करणाऱ्या तरुणाला शहर पोलिसांनी कारवाई करत रविवारी 6 एप्रिल रोजी रात्री 8 वाजता अटक केली आहे. याप्रकरणी शहर पोलीस ठाण्यात गुन्हा दाखल करण्यात आला.
जळगाव शहरातील दाणा बाजार परिसरात रोहित विलास निकम वय 18 रा. गेंदालाल मिल जळगाव हा तरुण हातात लोखंडी कोयता घेऊन परिसरात दहशत निर्माण करण्याच्या उद्देशाने फिरत होता. याची गोपनीय माहिती शहर पोलीस ठाण्याचे पोलीस निरीक्षक अनिल भवारी यांना मिळाली. त्यानुसार त्यांनी पथकाला कारवाई करण्याबाबतच्या सूचना दिल्या. दरम्यान पोलीस कॉन्स्टेबल समाधान पाटील आणि सतीश पाटील यांनी कारवाई करत संशयित आरोपी रोहित निकम याला ताब्यात घेत त्याच्याकडून लोखंडी कोयता हस्तगत केला आहे. या संदर्भात पोलीस कॉन्स्टेबल समाधान पाटील यांनी दिलेल्या फिर्यादीवरून 7 एप्रिल रोजी मध्यरात्री 2 वाजता शहर पोलीस ठाण्यात गुन्हा दाखल करण्यात आला. याबाबत पुढील तपास पोलीस कॉन्स्टेबल सतीश पाटील करीत आहे.
