यावल प्रतिनिधी । राष्ट्रवादी काँग्रेसच्या खासदार सुप्रीयाताई सुळे यांच्या वाढदिवसानिमित्त आज येथे पक्षातर्फे विविध कार्यक्रमांचे आयोजन करण्यात आले आहे.
येथील राष्ट्रवादी कॉग्रेस पक्षाच्या वतीने लोकसभेच्या संसदरत्न पुरस्कार प्राप्त खासदार सुप्रीयाताई सुळे यांच्या वाढदिवसा निमित्ताने राष्ट्रवादीच्या तालुका कार्यकारणीच्या वतीने विविध कार्यक्रमाचे आयोजन करण्यात आले आहे. यात तालुका राष्ट्रवादी काँग्रेस पक्षाच्या वतीने आज दिनांक ३० जुन रोजी सकाळी १० वाजता यावलच्या ग्रामीण रुग्णालयात फळवाटपाचे कार्यक्रम तसेच ११ वाजता भुसावळ टी पाँईट जवळ असलेल्या शिव भोजन थाली केन्द्रावर गोरगरीब नागरीकांना अन्नदानाचा कार्यक्रम होणार आहे.
यासोबत सकाळी साडेअकरा वाजता फैजपुर शहरातील यावल मार्गावरील खाचणे यांच्या दवाखान्यात रुग्णांना फळ वाटपाचा कार्यक्रम आयोजीत करण्यात आला आहे. या कार्यक्रमांना यावल तालुक्यातील सर्व राष्ट्रवादी पक्षाचे पदधिकारी व कार्यकर्त्यांनी उपस्थित राहुन सहभागी व्हावे असे आवाहन राष्ट्रवादी काँग्रेस पक्षाचे तालुकाध्यक्ष तथा नगरसेवक प्रा . मुकेश येवले, नाना बोदडे, विजय प्रेमचंद पाटील, राष्ट्रवादीचे यावल शहराध्यक्ष करीम मन्यार, वसंत गजमल पाटील, युवक राष्ट्रवादीचे अ‍ॅड देवकांत पाटील , कामराज घारू, अरूण लोखंडे , निवृत्ती धांडे, फैजपुरचे अन्वर खाटीक , अय्युब खान सर यांच्यासह तालुक्यातील सर्व पदाधिकारी व कार्यकर्त्यांनी केले आहे.
