वरणगाव-लाईव्ह ट्रेंड्स न्यूज प्रतिनिधी । ऑर्डनन्स फॅक्टरीच्या मुख्य प्रवेशद्वाराजवळ साई मंदिर परिसरात, अमर मधुकर कहार उर्फ परदेशी या तरुणाला गावठी कट्ट्यासह अटक करण्यात आली आहे.
ऑर्डनन्स फॅक्टरीच्या मुख्य प्रवेशद्वाराजवळ साई मंदिर परिसरात, अमर मधुकर कहार उर्फ परदेशी (वय 30, रा. चांगदेव, ता. मुक्ताईनगर) हा व्यक्ती अवैध अग्नी शस्त्र बाळगून दहशत निर्माण करीत असल्याची माहिती मिळाल्यानंतर, वरणगाव पोलीसांनी त्याला ताब्यात घेतले. १८ फेब्रुवारी २०२५ रोजी घडलेल्या या घटनेत, पोलीसांनी त्याच्याकडून २० हजार रुपये किंमतीचा सिल्वर रंगाचा गावठी कट्टा आणि दोन जिवंत काडतुसे (४ हजार रुपये किमतीचे) जप्त केले.
ही कारवाई सहाय्यक पोलीस निरीक्षक जनार्धन खंडेराव यांच्या मार्गदर्शनाखाली झाली. त्यांना दुपारी गोपनीय माहिती मिळाल्यानंतर, पीएसआय रामदास गांगुर्डे, पोहेकॉ यासिन सत्तार पिंजारी, प्रेमचंद वसंत सपकाळे, प्रशांत विनायक ठाकुर, ईश्वर तायडे आणि विजय बावस्कर यांच्यासह पोलीस पथकाने ही कारवाई केली. या प्रकरणी ईश्वर महेन्द्र तायडे यांच्या फिर्यादीवरून आरोपीवर भारतीय शस्त्र अधिनियम कलम 3/25 अंतर्गत गुन्हा दाखल करण्यात आला आहे.
ही कारवाई जळगाव जिल्हा पोलिस अधीक्षक माहेश्वर रेड्डी, अपर पोलिस अधीक्षक अशोक नखाते, मुक्ताईनगर उपविभागीय पोलिस अधिकारी राजकुमार शिंदे यांच्या मार्गदर्शनाखाली करण्यात आली. या घटनेने वरणगाव परिसरात खळबळ उडाली आहे.
